Laburpena

Ingurumenari buruzko nazioarteko lehen konferentziatik berrogei urtera eta Rio de Janeiroko Lurraren Goi Bileratik hogei urtera, nazioarteko agenden helburu bihurtu da garapen iraunkorra. Teorian gure politika guztietan txertatu behar bada ere, adierazi beharra dago garapenerako lankidetzak oso neurri txikian eta sistematizatu gabe heldu diola kontzeptu horri.

Dena dela, kontzeptu hori txertatzea premiazkoa da gizateriarentzat: ingurumen- eta klima-krisialdiei aurre egiteko, gizarte- eta ingurumen-arloan mundu bidezkoago bat eraikitzeko tresna izango den eta planetaren muga ekologikoak errespetatuko dituen garapenerako lankidetza bat sortu behar dugu.

Iraunkortasuna garapenerako lankidetzan txertatzeko gida hau erronka horiei erantzuteko argitaratu da. Gidaren bidez, eguneroko jardunean era sektorial zein zeharkakoan jarduteko aukera emango duten tresna praktikoak eskaini nahi zaizkie garapenerako lankidetzari eta ingurumenari lotutako pertsonei eta erakundeei. Gainera, ikuspegi holistiko batean oinarrituta dago, garapenerako lankidetzaren alderdi guztiak hartzen baititu kontuan: legezko esparrua, proiektuen zikloa, eragin politikoa, barne-kultura eta barne-politikak, eta garapenerako hezkuntza. Garapenerako lankidetzaren hainbat jardun-arlotan diharduten erakunde publiko eta pribatuen eta sektore ekologisten adibide eta praktika on ugari biltzen ditu (Iparraldekoak zein Hegoaldekoak).

Bi hizkuntzatako argitalpena liburuki bakarrean (gaztelaniaz eta euskaraz) Testua osoa